משא בלעם הראשון: ברכת ישראל

בְּמִדְבַּר כ״ג:ז׳-י״ב

ז׳

וישא משלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישראל׃

ח׳

מה אקב לא קבה אל ומה אזעם לא זעם יהוה׃

ט׳

כי מראש צרים אראנו ומגבעות אשורנו הן עם לבדד ישכן ובגוים לא יתחשב׃

י׳

מי מנה עפר יעקב ומספר את רבע ישראל תמת נפשי מות ישרים ותהי אחריתי כמהו׃

י״א

ויאמר בלק אל בלעם מה עשית לי לקב איבי לקחתיך והנה ברכת ברך׃

י״ב

ויען ויאמר הלא את אשר ישים יהוה בפי אתו אשמר לדבר׃