מִיכָה ג׳:ב׳-י״ב

ב׳

שנאי טוב ואהבי רעה גזלי עורם מעליהם ושארם מעל עצמותם׃

ג׳

ואשר אכלו שאר עמי ועורם מעליהם הפשיטו ואת עצמתיהם פצחו ופרשו כאשר בסיר וכבשר בתוך קלחת׃

ד׳

אז יזעקו אל יהוה ולא יענה אותם ויסתר פניו מהם בעת ההיא כאשר הרעו מעלליהם׃

גינוי נביאי השקר

ה׳

כה אמר יהוה על הנביאים המתעים את עמי הנשכים בשניהם וקראו שלום ואשר לא יתן על פיהם וקדשו עליו מלחמה׃

ו׳

לכן לילה לכם מחזון וחשכה לכם מקסם ובאה השמש על הנביאים וקדר עליהם היום׃

ז׳

ובשו החזים וחפרו הקסמים ועטו על שפם כלם כי אין מענה אלהים׃

ח׳

ואולם אנכי מלאתי כח את רוח יהוה ומשפט וגבורה להגיד ליעקב פשעו ולישראל חטאתו׃

האשמה כוללת וחורבן סופי

ט׳

שמעו נא זאת ראשי בית יעקב וקציני בית ישראל המתעבים משפט ואת כל הישרה יעקשו׃

י׳

בנה ציון בדמים וירושלם בעולה׃

י״א

ראשיה בשחד ישפטו וכהניה במחיר יורו ונביאיה בכסף יקסמו ועל יהוה ישענו לאמר הלוא יהוה בקרבנו לא תבוא עלינו רעה׃

י״ב

לכן בגללכם ציון שדה תחרש וירושלם עיין תהיה והר הבית לבמות יער׃

קרא פרק מלא ג׳

לימוד הקטע

פירוש על הקטע כולו, לא על פסוק בודד

היכן עוד הכתוב אומר זאת

יִרְמְיָהוּ ו׳:י״ג
כי מקטנם ועד גדולם כלו בוצע בצע ומנביא ועד כהן כלו עשה שקר׃
מפסוק י״א
יְשַׁעְיָהוּ נ״ח:א׳
¶ קרא בגרון אל תחשך כשופר הרם קולך והגד לעמי פשעם ולבית יעקב חטאתם׃
מפסוק ח׳
יְשַׁעְיָהוּ א׳:כ״ג
שריך סוררים וחברי גנבים כלו אהב שחד ורדף שלמנים יתום לא ישפטו וריב אלמנה לא יבוא אליהם׃
מפסוק ט׳
אִגֶּרֶת פּוֹלוֹס הָרִאשׁוֹנָה אֶל־הַקּוֹרִנְתִּיִּים ב׳:י״ב
ואנחנו לא קבלנו את רוח העולם כי אם הרוח מאת האלהים למען נדע את אשר נתן לנו מאת האלהים בחסדו׃
מפסוק ח׳
אִגֶּרֶת פּוֹלוֹס הָרִאשׁוֹנָה אֶל־הַקּוֹרִנְתִּיִּים ב׳:י״ג
ואת זאת נדבר לא בדברים אשר תלמדם חכמת בני אדם כי אם בדברים אשר רוח הקדש תלמדם ונבאר דברים רוחניים על פי הרוח׃
מפסוק ח׳
מִיכָה ג׳:ה׳
כה אמר יהוה על הנביאים המתעים את עמי הנשכים בשניהם וקראו שלום ואשר לא יתן על פיהם וקדשו עליו מלחמה׃
מפסוק י״א
יִרְמְיָהוּ כ״ו:י״ח
מיכיה המורשתי היה נבא בימי חזקיהו מלך יהודה ויאמר אל כל עם יהודה לאמר כה אמר יהוה צבאות ציון שדה תחרש וירושלים עיים תהיה והר הבית לבמות יער׃
מפסוק י״ב
אִגֶּרֶת פּוֹלוֹס הָרִאשׁוֹנָה אֶל־הַקּוֹרִנְתִּיִּים ב׳:ד׳
ודברי וקריאתי לא לפתות באמרי חכמת בני אדם כי אם בתוכחת הרוח והגבורה׃
מפסוק ח׳
יְחֶזְקֵאל כ״ב:כ״ז
שריה בקרבה כזאבים טרפי טרף לשפך דם לאבד נפשות למען בצע בצע׃
מפסוק ב׳
יִרְמְיָהוּ ז׳:ד׳
אל תבטחו לכם אל דברי השקר לאמר היכל יהוה היכל יהוה היכל יהוה המה׃
מפסוק י״א
תְהִלִּים י״ד:ד׳
הלא ידעו כל פעלי און אכלי עמי אכלו לחם יהוה לא קראו׃
מפסוק ג׳
יְשַׁעְיָהוּ א׳:ט״ו
ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃
מפסוק ד׳

מִיכָה ג׳:ב׳-י״ב

גינוי נביאי השקר

האשמה כוללת וחורבן סופי

לימוד הקטע

יִרְמְיָהוּ ו׳:י״ג

יְשַׁעְיָהוּ נ״ח:א׳

יְשַׁעְיָהוּ א׳:כ״ג

אִגֶּרֶת פּוֹלוֹס הָרִאשׁוֹנָה אֶל־הַקּוֹרִנְתִּיִּים ב׳:י״ב

אִגֶּרֶת פּוֹלוֹס הָרִאשׁוֹנָה אֶל־הַקּוֹרִנְתִּיִּים ב׳:י״ג

מִיכָה ג׳:ה׳

יִרְמְיָהוּ כ״ו:י״ח

אִגֶּרֶת פּוֹלוֹס הָרִאשׁוֹנָה אֶל־הַקּוֹרִנְתִּיִּים ב׳:ד׳

יְחֶזְקֵאל כ״ב:כ״ז

יִרְמְיָהוּ ז׳:ד׳

תְהִלִּים י״ד:ד׳

יְשַׁעְיָהוּ א׳:ט״ו

Reading Style

Typeface

Font Size 19px

Options