מתיו ז׳:כ״א-כ״ט (Hebrew)

כ״א

לא כל האמר לי אדני אדני יבוא אל מלכות השמים כי אם העשה רצון אבי שבשמים׃

כ״ב

והיה ביום ההוא יאמרו רבים אלי אדנינו אדנינו הלא בשמך נבאנו ובשמך גרשנו שדים ובשמך עשינו גבורות רבות׃

כ״ג

אז אענה בם לאמר מעולם לא ידעתי אתכם סורו ממני פעלי האון׃

כ״ד

לכן כל השמע את דברי אלה ועשה אתם אדמהו לאיש חכם אשר בנה את ביתו על הסלע׃

כ״ה

וירד הגשם וישטפו הנהרות וישבו הרוחות ויגעו בבית ההוא ולא נפל כי יסד על הסלע׃

כ״ו

וכל השמע את דברי אלה ולא יעשה אתם ידמה לאיש בער אשר בנה את ביתו על החול׃

כ״ז

וירד הגשם וישטפו הנהרות וישבו הרוחות ויפגעו בבית ההוא ויפל ותהי מפלתו גדולה׃

כ״ח

ויהי ככלות ישוע לדבר את הדברים האלה וישתומם המון העם על תורתו׃

כ״ט

כי היה מלמד אותם כבעל גבורה ולא כסופרים׃

מתיו ז׳:כ״א-כ״ט