TRV
מתיו י״ב:א׳-ח׳
א׳
¶ בעת ההיא עבר ישוע בין הקמה ביום השבת ותלמידיו רעבו ויחלו לקטף מלילת ויאכלו׃
ב׳
ויראו הפרושים ויאמרו לו הנה תלמידיך עשים את אשר אסור לעשות בשבת׃
ג׳
ויאמר אליהם הלא קראתם את אשר עשה דוד בהיתו רעב הוא והאנשים אשר אתו׃
ד׳
כי בא אל בית האלהים ויאכל את לחם הפנים אשר איננו מתר לו ולאנשיו לאכלה רק לכהנים לבדם׃
ה׳
או הלא קראתם בתורה כי בשבתות יחללו הכהנים את השבת במקדש ואין להם עון׃
ו׳
אבל אני אמר לכם כי יש פה גדול מן המקדש׃
ז׳
ולו ידעתם מה הוא חסד חפצתי ולא זבח לא הרשעתם את הנקים׃
ח׳
כי בן האדם הוא גם אדון השבת׃
Settings