אזהרות מפני רדיפות

ט״ז

הנני שלח אתכם ככבשים בין הזאבים לכן היו ערומים כנחשים ותמימים כיונים׃

י״ז

והשמרו לכם מבני האדם כי ימסרו אתכם לסנהדריות ויכו אתכם בשוטים בבתי כנסיותיהם׃

י״ח

ולפני משלים ומלכים תובאו למעני לעדות להם ולגוים׃

י״ט

וכי ימסרו אתכם אל תדאגו איך ומה תדברו כי ינתן לכם בשעה ההיא את אשר תדברו׃

כ׳

כי לא אתם הם המדברים כי רוח אביכם הוא המדבר בפיכם׃

כ״א

והיה אח ימסר את אחיו למות ואב ימסר את בנו וקמו בנים באבותם וימיתו אותם׃

כ״ב

והייתם שנואים לכל אדם למען שמי והמחכה עד עת קץ הוא יושע׃

כ״ג

ואם ירדפו אתכם בעיר אחת נוסו לעיר אחרת כי אמן אמר אני לכם לא תכלו לעבר ערי ישראל עד כי יבוא בן האדם׃