שאור הפרושים והורדוס

סנט מארק ח׳:י״ד-כ״א

י״ד

וישכחו לקחת אתם לחם ולא היה להם באניה בלתי אם ככר לחם אחת׃

ט״ו

ויזהר אותם לאמר ראו השמרו לכם משאר הפרושים ומשאר הורדוס׃

ט״ז

ויחשבו ויאמרו איש אל רעהו על כי לחם אין אתנו׃

י״ז

וידע ישוע ויאמר להם מה תחשבו על כי לחם אין לכם העוד לא תשכילו ולא תבינו ולבכם עודנו מטמטם׃

י״ח

עינים לכם ולא תראו ואזנים לכם ולא תשמעו ולא תזכרו׃

י״ט

כאשר פרסתי את חמשת ככרות הלחם לחמשת אלפי איש כמה סלים מלאי פתותים נשאתם ויאמרו אליו שנים עשר׃

כ׳

ובשבע לארבעת אלפי איש כמה דודים מלאי פתותים נשאתם ויאמרו אליו שבעה׃