סנט מארק ה׳:ט״ו-כ׳

ט״ו

ויבאו אל ישוע ויראו את אחוז השדים אשר הלגיון בו והוא יושב מלבש וטוב שכל וייראו׃

ט״ז

ויספרו להם הראים את אשר נעשה לאחוז השדים ואת דבר החזירים׃

י״ז

ויחלו להתחנן לו לסור מגבוליהם׃

י״ח

ויהי ברדתו אל האניה התחנן אליו האיש אשר היה אחוז שדים לתתו לשבת עמו׃

י״ט

ולא הניח לו כי אם אמר אליו שוב לביתך אל בני משפחתך והגד להם את הגדלות אשר עשה לך יהוה ויחנך׃

כ׳

וילך לו ויחל לקרא בעשר הערים את הגדלות אשר עשה לו ישוע ויתמהו כלם׃