TRV
סנט מארק ד׳:ג׳-כ׳
ג׳
שמעו שמוע הנה הזרע יצא לזרע׃
ד׳
ויהי בזרעו ויפל מן הזרע על יד הדרך ויבא עוף השמים ויאכלהו׃
ה׳
ויש אשר נפל על מקום הסלע אשר אין לו שם אדמה הרבה וימהר לצמח כי לא היה לו עמק אדמה׃
ו׳
ויהי כזרח השמש ויצרב וייבש כי אין לו שרש׃
ז׳
ויש אשר נפל בין הקצים ויעלו הקצים וימעכהו ולא נתן פרי׃
ח׳
ויש אשר נפל על האדמה הטובה ויתן פרי עלה וגדל ויעש זה שלשים שערים וזה ששים וזה מאה׃
ט׳
ויאמר אליהם מי אשר אזנים לו לשמע ישמע׃
י׳
ויהי בהיותו לבדו וישאלוהו האנשים אשר סביביו עם שנים העשר על המשל׃
י״א
ויאמר אליהם לכם נתן לדעת סוד מלכות האלהים ואשר בחוץ להם הכל במשלים׃
י״ב
למען יראו ראו ולא ידעו ושמעו שמוע ולא יבינו פן ישובו ונסלח לחטאתם׃
י״ג
ויאמר להם הן לא ידעתם את המשל הזה ואיך תבינו את המשלים כלם׃
י״ד
הזרע הוא זרע את הדבר׃
ט״ו
ואלה הם הנזרעים על יד הדרך אשר יזרע בם הדבר וכשמעם אותו מיד בא השטן וישא את הדבר הזרוע בלבבם׃
ט״ז
וכן הנזרעים על מקמות הסלע הם השמעים את הדבר ומהר בשמחה יקחהו׃
י״ז
אך אין להם שרש בקרבם ורק לשעה יעמדו ואחר כן בהיות צרה ורדיפה על אדות הדבר מהרה יכשלו׃
י״ח
והאחרים הנזרעים בין הקצים הם השמעים את הדבר׃
י״ט
ודאגות העולם הזה ומרמת העשר ותאות שאר הדברים באות וממעכות את הדבר ופרי לא יהיה לו׃
כ׳
ואלה המזרעים על האדמה הטובה הם השמעים את הדבר ומקבלים אתו ועשים פרי לשלשים שערים ולששים ולמאה׃
Settings