הבְּשׂוֹרָה הַקְּדוֹשָׁה עַל־פִּי לוּקָס ד׳:י״ד-י״ט

י״ד

וישב ישוע בגבורת הרוח אל הגליל ויצא שמעו בכל הככר׃

ט״ו

והוא היה מלמד בבתי כנסיותיהם ויהללהו כלם׃

ט״ז

ויבא אל נצרת אשר גדל שם וילך כמשפטו ביום השבת אל בית הכנסת ויקם לקרא בתורה׃

י״ז

ויתן לו ספר ישעיה הנביא ויפתח את הספר וימצא את המקום אשר היה כתוב בו׃

י״ח

רוח אדני עלי יען משח אתי לבשר ענוים׃

י״ט

שלחני לחבש לנשברי לב לקרא לשבוים דרור ולעורים פקח קוח לשלח רצוצים חפשים לקרא שנת רצון ליהוה׃