הבְּשׂוֹרָה הַקְּדוֹשָׁה עַל־פִּי לוּקָס א׳:כ״ו

מציג את פסוק כ״ו עם ההקשר הסובב.

כ״ג

ויהי כאשר מלאו ימי עבדתו וילך לו אל ביתו׃

כ״ד

ויהי אחרי הימים האלה ותהר אלישבע אשתו ותתחבא חמשה חדשים ותאמר׃

כ״ה

ככה עשה לי יהוה בימי פקדו אותי לאסף את חרפתי בתוך בני אדם׃

כ״ו

ויהי בחדש הששי וישלח המלאך גבריאל מאת האלהים גלילה אל עיר אשר שמה נצרת׃

כ״ז

אל בתולה מארשה לאיש אשר שמו יוסף מבית דוד ושם הבתולה מרים׃

כ״ח

ויבא המלאך אליה החדרה ויאמר שלום לך אשת חן יהוה עמך ברוכה את בנשים׃

כ״ט

והיא בראותה נבהלה לדברו ותאמר בלבה מה היא הברכה הזאת׃