וַיִּקְרָא ד׳:ט״ז-כ״א

ט״ז

והביא הכהן המשיח מדם הפר אל אהל מועד׃

י״ז

וטבל הכהן אצבעו מן הדם והזה שבע פעמים לפני יהוה את פני הפרכת׃

י״ח

ומן הדם יתן על קרנת המזבח אשר לפני יהוה אשר באהל מועד ואת כל הדם ישפך אל יסוד מזבח העלה אשר פתח אהל מועד׃

י״ט

ואת כל חלבו ירים ממנו והקטיר המזבחה׃

כ׳

ועשה לפר כאשר עשה לפר החטאת כן יעשה לו וכפר עלהם הכהן ונסלח להם׃

כ״א

והוציא את הפר אל מחוץ למחנה ושרף אתו כאשר שרף את הפר הראשון חטאת הקהל הוא׃