וַיִּקְרָא כ״ה:ו׳
מציג את פסוק ו׳ עם ההקשר הסובב.
ג׳
שש שנים תזרע שדך ושש שנים תזמר כרמך ואספת את תבואתה׃
ד׳
ובשנה השביעת שבת שבתון יהיה לארץ שבת ליהוה שדך לא תזרע וכרמך לא תזמר׃
ה׳
את ספיח קצירך לא תקצור ואת ענבי נזירך לא תבצר שנת שבתון יהיה לארץ׃
ו׳
והיתה שבת הארץ לכם לאכלה לך ולעבדך ולאמתך ולשכירך ולתושבך הגרים עמך׃
ז׳
ולבהמתך ולחיה אשר בארצך תהיה כל תבואתה לאכל׃
ח׳
וספרת לך שבע שבתת שנים שבע שנים שבע פעמים והיו לך ימי שבע שבתת השנים תשע וארבעים שנה׃
ט׳
והעברת שופר תרועה בחדש השבעי בעשור לחדש ביום הכפרים תעבירו שופר בכל ארצכם׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל