שֹׁפְטִים ו׳:ז׳-י״ב

ז׳

ויהי כי זעקו בני ישראל אל יהוה על אדות מדין׃

ח׳

וישלח יהוה איש נביא אל בני ישראל ויאמר להם כה אמר יהוה אלהי ישראל אנכי העליתי אתכם ממצרים ואציא אתכם מבית עבדים׃

ט׳

ואצל אתכם מיד מצרים ומיד כל לחציכם ואגרש אותם מפניכם ואתנה לכם את ארצם׃

י׳

ואמרה לכם אני יהוה אלהיכם לא תיראו את אלהי האמרי אשר אתם יושבים בארצם ולא שמעתם בקולי׃

י״א

ויבא מלאך יהוה וישב תחת האלה אשר בעפרה אשר ליואש אבי העזרי וגדעון בנו חבט חטים בגת להניס מפני מדין׃

י״ב

וירא אליו מלאך יהוה ויאמר אליו יהוה עמך גבור החיל׃