ערים ליתר בני קהת

יְהוֹשֻעַ כ״א:כ׳-כ״ו

כ׳

ולמשפחות בני קהת הלוים הנותרים מבני קהת ויהי ערי גורלם ממטה אפרים׃

כ״א

ויתנו להם את עיר מקלט הרצח את שכם ואת מגרשה בהר אפרים ואת גזר ואת מגרשה׃

כ״ב

ואת קבצים ואת מגרשה ואת בית חורן ואת מגרשה ערים ארבע׃

כ״ג

וממטה דן את אלתקא ואת מגרשה את גבתון ואת מגרשה׃

כ״ד

את אילון ואת מגרשה את גת רמון ואת מגרשה ערים ארבע׃

כ״ה

וממחצית מטה מנשה את תענך ואת מגרשה ואת גת רמון ואת מגרשה ערים שתים׃

כ״ו

כל ערים עשר ומגרשיהן למשפחות בני קהת הנותרים׃