משמעות המופת

י״ב

ויהי אחרי אשר רחץ את רגלים וילבש את בגדיו וישב להסב ויאמר אליהם הידעתם מה הדבר אשר עשיתי לכם׃

י״ג

אתם קראים לי רב ואדון והיטבתם אשר דברתם כי אני הוא׃

י״ד

לכן אם אני המורה והאדון רחצתי את רגליכם גם אתם חיבים לרחץ איש את רגלי אחיו׃

ט״ו

כי מופת נתתי לכם למען תעשו גם אתם כאשר עשיתי לכם׃

ט״ז

אמן אמן אני אמר לכם כי העבד איננו גדול מאדניו והשלוח איננו גדול משלחו׃

י״ז

אם ידעתם זאת אשריכם אם כן תעשו׃

י״ח

לא על כלכם דברתי יודע אני את אשר בחרתי בהם אך למען ימלא הכתוב אוכל לחמי הגדיל עלי עקב׃

י״ט

מעתה אני אמר לכם בטרם היותה למען בבואה תאמינו כי אני הוא׃

כ׳

אמן אמן אני אמר לכם כי כל המקבל את אשר אשלחהו אתי הוא מקבל והמקבל אתי הוא מקבל את שלחי׃