ה' משיב את שבות איוב

אִיּוֹב מ״ב:י׳-י״ז

י׳

ויהוה שב את שבית איוב בהתפללו בעד רעהו ויסף יהוה את כל אשר לאיוב למשנה׃

י״א

ויבאו אליו כל אחיו וכל אחיתיו וכל ידעיו לפנים ויאכלו עמו לחם בביתו וינדו לו וינחמו אתו על כל הרעה אשר הביא יהוה עליו ויתנו לו איש קשיטה אחת ואיש נזם זהב אחד׃

י״ב

ויהוה ברך את אחרית איוב מראשתו ויהי לו ארבעה עשר אלף צאן וששת אלפים גמלים ואלף צמד בקר ואלף אתונות׃

י״ג

ויהי לו שבענה בנים ושלוש בנות׃

י״ד

ויקרא שם האחת ימימה ושם השנית קציעה ושם השלישית קרן הפוך׃

ט״ו

ולא נמצא נשים יפות כבנות איוב בכל הארץ ויתן להם אביהם נחלה בתוך אחיהם׃

ט״ז

ויחי איוב אחרי זאת מאה וארבעים שנה וירא את בניו ואת בני בניו ארבעה דרות׃

ה' משיב את שבות איוב

Reading Style

Typeface

Font Size 19px

Reading Width 45 chars

Options