כוחו של אלוהים וצדקתו הבלתי משוחדת

אִיּוֹב ל״ו:ה׳-ט״ו

ה׳

הן אל כביר ולא ימאס כביר כח לב׃

ו׳

לא יחיה רשע ומשפט עניים יתן׃

ז׳

לא יגרע מצדיק עיניו ואת מלכים לכסא וישיבם לנצח ויגבהו׃

ח׳

ואם אסורים בזקים ילכדון בחבלי עני׃

ט׳

ויגד להם פעלם ופשעיהם כי יתגברו׃

י׳

ויגל אזנם למוסר ויאמר כי ישבון מאון׃

י״א

אם ישמעו ויעבדו יכלו ימיהם בטוב ושניהם בנעימים׃

י״ב

ואם לא ישמעו בשלח יעברו ויגועו בבלי דעת׃

י״ג

וחנפי לב ישימו אף לא ישועו כי אסרם׃

י״ד

תמת בנער נפשם וחיתם בקדשים׃

ט״ו

יחלץ עני בעניו ויגל בלחץ אזנם׃