הקריאה לדרכים הישנות

יִרְמְיָהוּ ו׳:ט״ז-כ״א

ט״ז

כה אמר יהוה עמדו על דרכים וראו ושאלו לנתבות עולם אי זה דרך הטוב ולכו בה ומצאו מרגוע לנפשכם ויאמרו לא נלך׃

י״ז

והקמתי עליכם צפים הקשיבו לקול שופר ויאמרו לא נקשיב׃

י״ח

לכן שמעו הגוים ודעי עדה את אשר בם׃

י״ט

שמעי הארץ הנה אנכי מביא רעה אל העם הזה פרי מחשבותם כי על דברי לא הקשיבו ותורתי וימאסו בה׃

כ׳

למה זה לי לבונה משבא תבוא וקנה הטוב מארץ מרחק עלותיכם לא לרצון וזבחיכם לא ערבו לי׃

כ״א

לכן כה אמר יהוה הנני נתן אל העם הזה מכשלים וכשלו בם אבות ובנים יחדו שכן ורעו יאבדו׃