יִרְמְיָהוּ ל״ה:ו׳-י׳

ו׳

ויאמרו לא נשתה יין כי יונדב בן רכב אבינו צוה עלינו לאמר לא תשתו יין אתם ובניכם עד עולם׃

ז׳

ובית לא תבנו וזרע לא תזרעו וכרם לא תטעו ולא יהיה לכם כי באהלים תשבו כל ימיכם למען תחיו ימים רבים על פני האדמה אשר אתם גרים שם׃

ח׳

ונשמע בקול יהונדב בן רכב אבינו לכל אשר צונו לבלתי שתות יין כל ימינו אנחנו נשינו בנינו ובנתינו׃

ט׳

ולבלתי בנות בתים לשבתנו וכרם ושדה וזרע לא יהיה לנו׃

י׳

ונשב באהלים ונשמע ונעש ככל אשר צונו יונדב אבינו׃