יִרְמְיָהוּ י״ג:ו׳-י׳

ו׳

ויהי מקץ ימים רבים ויאמר יהוה אלי קום לך פרתה וקח משם את האזור אשר צויתיך לטמנו שם׃

ז׳

ואלך פרתה ואחפר ואקח את האזור מן המקום אשר טמנתיו שמה והנה נשחת האזור לא יצלח לכל׃

ח׳

ויהי דבר יהוה אלי לאמר׃

ט׳

כה אמר יהוה ככה אשחית את גאון יהודה ואת גאון ירושלם הרב׃

י׳

העם הזה הרע המאנים לשמוע את דברי ההלכים בשררות לבם וילכו אחרי אלהים אחרים לעבדם ולהשתחות להם ויהי כאזור הזה אשר לא יצלח לכל׃