יִרְמְיָהוּ י״א:י״ח-כ״ג

י״ח

ויהוה הודיעני ואדעה אז הראיתני מעלליהם׃

י״ט

ואני ככבש אלוף יובל לטבוח ולא ידעתי כי עלי חשבו מחשבות נשחיתה עץ בלחמו ונכרתנו מארץ חיים ושמו לא יזכר עוד׃

כ׳

ויהוה צבאות שפט צדק בחן כליות ולב אראה נקמתך מהם כי אליך גליתי את ריבי׃

כ״א

לכן כה אמר יהוה על אנשי ענתות המבקשים את נפשך לאמר לא תנבא בשם יהוה ולא תמות בידנו׃

כ״ב

לכן כה אמר יהוה צבאות הנני פקד עליהם הבחורים ימתו בחרב בניהם ובנותיהם ימתו ברעב׃

כ״ג

ושארית לא תהיה להם כי אביא רעה אל אנשי ענתות שנת פקדתם׃