תפילת חזקיהו במקדש

יְשַׁעְיָהוּ ל״ז:י״ד-כ׳

י״ד

ויקח חזקיהו את הספרים מיד המלאכים ויקראהו ויעל בית יהוה ויפרשהו חזקיהו לפני יהוה׃

ט״ו

ויתפלל חזקיהו אל יהוה לאמר׃

ט״ז

יהוה צבאות אלהי ישראל ישב הכרבים אתה הוא האלהים לבדך לכל ממלכות הארץ אתה עשית את השמים ואת הארץ׃

י״ז

הטה יהוה אזנך ושמע פקח יהוה עינך וראה ושמע את כל דברי סנחריב אשר שלח לחרף אלהים חי׃

י״ח

אמנם יהוה החריבו מלכי אשור את כל הארצות ואת ארצם׃

י״ט

ונתן את אלהיהם באש כי לא אלהים המה כי אם מעשה ידי אדם עץ ואבן ויאבדום׃

כ׳

ועתה יהוה אלהינו הושיענו מידו וידעו כל ממלכות הארץ כי אתה יהוה לבדך׃