יְשַׁעְיָהוּ כ״ט:ג׳

מציג את פסוק ג׳ עם ההקשר הסובב.

א׳

¶ הוי אריאל אריאל קרית חנה דוד ספו שנה על שנה חגים ינקפו׃

ב׳

והציקותי לאריאל והיתה תאניה ואניה והיתה לי כאריאל׃

ג׳

וחניתי כדור עליך וצרתי עליך מצב והקימתי עליך מצרת׃

ד׳

ושפלת מארץ תדברי ומעפר תשח אמרתך והיה כאוב מארץ קולך ומעפר אמרתך תצפצף׃

ה׳

והיה כאבק דק המון זריך וכמץ עבר המון עריצים והיה לפתע פתאם׃

ו׳

מעם יהוה צבאות תפקד ברעם וברעש וקול גדול סופה וסערה ולהב אש אוכלה׃