קריאה לחזרה בתשובה

יְשַׁעְיָהוּ א׳:י״ב-י״ח

י״ב

כי תבאו לראות פני מי בקש זאת מידכם רמס חצרי׃

י״ג

לא תוסיפו הביא מנחת שוא קטרת תועבה היא לי חדש ושבת קרא מקרא לא אוכל און ועצרה׃

י״ד

חדשיכם ומועדיכם שנאה נפשי היו עלי לטרח נלאיתי נשא׃

ט״ו

ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃

ט״ז

רחצו הזכו הסירו רע מעלליכם מנגד עיני חדלו הרע׃

י״ז

למדו היטב דרשו משפט אשרו חמוץ שפטו יתום ריבו אלמנה׃

י״ח

לכו נא ונוכחה יאמר יהוה אם יהיו חטאיכם כשנים כשלג ילבינו אם יאדימו כתולע כצמר יהיו׃