סופיות קורבנו האחד של המשיח

אִגֶּרֶת אֶל־הָעִבְרִים י׳:י״א-י״ח

י״א

וכל כהן עמד יום יום לשרת ומוסיף פעמים רבות להקריב אתן הקרבנות אשר לא יוכלו לעולם להעביר חטאים׃

י״ב

אולם זה אחרי הקריבו זבח אחד על החטאים ישב עד עולם לימין האלהים׃

י״ג

וחכה יחכה עד כי יושתו איביו הדם לרגליו׃

י״ד

כי הוא בקרבן אחת השלים לנצח את המקדשים׃

ט״ו

ואף רוח הקדש מעיד לנו על זאת כי אחרי אמרו׃

ט״ז

זאת הברית אשר אכרת אתם אחרי הימים ההם אמר יהוה נתתי את תורתי בקרבם ועל לבם אכתבנה׃

י״ז

ולעונם ולחטאתם לא אזכר עוד׃

י״ח

והנה באשר נסלחו החטאים אין עוד קרבן עליהם׃