תוצאות העיכוב

חַגַּי א׳:ה׳-י״א

ה׳

ועתה כה אמר יהוה צבאות שימו לבבכם על דרכיכם׃

ו׳

זרעתם הרבה והבא מעט אכול ואין לשבעה שתו ואין לשכרה לבוש ואין לחם לו והמשתכר משתכר אל צרור נקוב׃

ז׳

כה אמר יהוה צבאות שימו לבבכם על דרכיכם׃

ח׳

עלו ההר והבאתם עץ ובנו הבית וארצה בו ואכבד אמר יהוה׃

ט׳

פנה אל הרבה והנה למעט והבאתם הבית ונפחתי בו יען מה נאם יהוה צבאות יען ביתי אשר הוא חרב ואתם רצים איש לביתו׃

י׳

על כן עליכם כלאו שמים מטל והארץ כלאה יבולה׃

י״א

ואקרא חרב על הארץ ועל ההרים ועל הדגן ועל התירוש ועל היצהר ועל אשר תוציא האדמה ועל האדם ועל הבהמה ועל כל יגיע כפים׃