בְּרֵאשִׁית ל״ז:כ״ה-כ״ח

כ״ה

וישבו לאכל לחם וישאו עיניהם ויראו והנה ארחת ישמעאלים באה מגלעד וגמליהם נשאים נכאת וצרי ולט הולכים להוריד מצרימה׃

כ״ו

ויאמר יהודה אל אחיו מה בצע כי נהרג את אחינו וכסינו את דמו׃

כ״ז

לכו ונמכרנו לישמעאלים וידנו אל תהי בו כי אחינו בשרנו הוא וישמעו אחיו׃

כ״ח

ויעברו אנשים מדינים סחרים וימשכו ויעלו את יוסף מן הבור וימכרו את יוסף לישמעאלים בעשרים כסף ויביאו את יוסף מצרימה׃