TRV
יְחֶזְקֵאל ל״א:י׳-י״ד
י׳
לכן כה אמר אדני יהוה יען אשר גבהת בקומה ויתן צמרתו אל בין עבותים ורם לבבו בגבהו׃
י״א
ואתנהו ביד איל גוים עשו יעשה לו כרשעו גרשתהו׃
י״ב
ויכרתהו זרים עריצי גוים ויטשהו אל ההרים ובכל גאיות נפלו דליותיו ותשברנה פארתיו בכל אפיקי הארץ וירדו מצלו כל עמי הארץ ויטשהו׃
י״ג
על מפלתו ישכנו כל עוף השמים ואל פארתיו היו כל חית השדה׃
י״ד
למען אשר לא יגבהו בקומתם כל עצי מים ולא יתנו את צמרתם אל בין עבתים ולא יעמדו אליהם בגבהם כל שתי מים כי כלם נתנו למות אל ארץ תחתית בתוך בני אדם אל יורדי בור׃
Settings