יְחֶזְקֵאל כ״ג:כ״ט-ל״ה

כ״ט

ועשו אותך בשנאה ולקחו כל יגיעך ועזבוך עירם ועריה ונגלה ערות זנוניך וזמתך ותזנותיך׃

ל׳

עשה אלה לך בזנותך אחרי גוים על אשר נטמאת בגלוליהם׃

ל״א

בדרך אחותך הלכת ונתתי כוסה בידך׃

ל״ב

כה אמר אדני יהוה כוס אחותך תשתי העמקה והרחבה תהיה לצחק וללעג מרבה להכיל׃

ל״ג

שכרון ויגון תמלאי כוס שמה ושממה כוס אחותך שמרון׃

ל״ד

ושתית אותה ומצית ואת חרשיה תגרמי ושדיך תנתקי כי אני דברתי נאם אדני יהוה׃

ל״ה

לכן כה אמר אדני יהוה יען שכחת אותי ותשליכי אותי אחרי גוך וגם את שאי זמתך ואת תזנותיך׃