TRV
יְחֶזְקֵאל כ׳:י׳-י״ז
י׳
ואוציאם מארץ מצרים ואבאם אל המדבר׃
י״א
ואתן להם את חקותי ואת משפטי הודעתי אותם אשר יעשה אותם האדם וחי בהם׃
י״ב
וגם את שבתותי נתתי להם להיות לאות ביני וביניהם לדעת כי אני יהוה מקדשם׃
י״ג
וימרו בי בית ישראל במדבר בחקותי לא הלכו ואת משפטי מאסו אשר יעשה אתם האדם וחי בהם ואת שבתתי חללו מאד ואמר לשפך חמתי עליהם במדבר לכלותם׃
י״ד
ואעשה למען שמי לבלתי החל לעיני הגוים אשר הוצאתים לעיניהם׃
ט״ו
וגם אני נשאתי ידי להם במדבר לבלתי הביא אותם אל הארץ אשר נתתי זבת חלב ודבש צבי היא לכל הארצות׃
ט״ז
יען במשפטי מאסו ואת חקותי לא הלכו בהם ואת שבתותי חללו כי אחרי גלוליהם לבם הלך׃
י״ז
ותחס עיני עליהם משחתם ולא עשיתי אותם כלה במדבר׃
Settings