TRV
יְחֶזְקֵאל י״ט:א׳-ט׳
א׳
¶ ואתה שא קינה אל נשיאי ישראל׃
ב׳
ואמרת מה אמך לביא בין אריות רבצה בתוך כפרים רבתה גוריה׃
ג׳
ותעל אחד מגריה כפיר היה וילמד לטרף טרף אדם אכל׃
ד׳
וישמעו אליו גוים בשחתם נתפש ויבאהו בחחים אל ארץ מצרים׃
ה׳
ותרא כי נוחלה אבדה תקותה ותקח אחד מגריה כפיר שמתהו׃
ו׳
ויתהלך בתוך אריות כפיר היה וילמד לטרף טרף אדם אכל׃
ז׳
וידע אלמנותיו ועריהם החריב ותשם ארץ ומלאה מקול שאגתו׃
ח׳
ויתנו עליו גוים סביב ממדינות ויפרשו עליו רשתם בשחתם נתפש׃
ט׳
ויתנהו בסוגר בחחים ויבאהו אל מלך בבל יבאהו במצדות למען לא ישמע קולו עוד אל הרי ישראל׃
Settings