שְׁמֹות ל״ב:ז׳-י״ב
ז׳
וידבר יהוה אל משה לך רד כי שחת עמך אשר העלית מארץ מצרים׃
ח׳
סרו מהר מן הדרך אשר צויתם עשו להם עגל מסכה וישתחוו לו ויזבחו לו ויאמרו אלה אלהיך ישראל אשר העלוך מארץ מצרים׃
ט׳
ויאמר יהוה אל משה ראיתי את העם הזה והנה עם קשה ערף הוא׃
י׳
ועתה הניחה לי ויחר אפי בהם ואכלם ואעשה אותך לגוי גדול׃
י״א
ויחל משה את פני יהוה אלהיו ויאמר למה יהוה יחרה אפך בעמך אשר הוצאת מארץ מצרים בכח גדול וביד חזקה׃
י״ב
למה יאמרו מצרים לאמר ברעה הוציאם להרג אתם בהרים ולכלתם מעל פני האדמה שוב מחרון אפך והנחם על הרעה לעמך׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל
Settings