שְׁמֹות ל״ב:כ׳

מציג את פסוק כ׳ עם ההקשר הסובב.

י״ז

וישמע יהושע את קול העם ברעה ויאמר אל משה קול מלחמה במחנה׃

י״ח

ויאמר אין קול ענות גבורה ואין קול ענות חלושה קול ענות אנכי שמע׃

י״ט

ויהי כאשר קרב אל המחנה וירא את העגל ומחלת ויחר אף משה וישלך מידו את הלחת וישבר אתם תחת ההר׃

כ׳

ויקח את העגל אשר עשו וישרף באש ויטחן עד אשר דק ויזר על פני המים וישק את בני ישראל׃

כ״א

ויאמר משה אל אהרן מה עשה לך העם הזה כי הבאת עליו חטאה גדלה׃

כ״ב

ויאמר אהרן אל יחר אף אדני אתה ידעת את העם כי ברע הוא׃

כ״ג

ויאמרו לי עשה לנו אלהים אשר ילכו לפנינו כי זה משה האיש אשר העלנו מארץ מצרים לא ידענו מה היה לו׃