TRV
שְׁמֹות כ״ז:א׳-ח׳
א׳
¶ ועשית את המזבח עצי שטים חמש אמות ארך וחמש אמות רחב רבוע יהיה המזבח ושלש אמות קמתו׃
ב׳
ועשית קרנתיו על ארבע פנתיו ממנו תהיין קרנתיו וצפית אתו נחשת׃
ג׳
ועשית סירתיו לדשנו ויעיו ומזרקתיו ומזלגתיו ומחתתיו לכל כליו תעשה נחשת׃
ד׳
ועשית לו מכבר מעשה רשת נחשת ועשית על הרשת ארבע טבעת נחשת על ארבע קצותיו׃
ה׳
ונתתה אתה תחת כרכב המזבח מלמטה והיתה הרשת עד חצי המזבח׃
ו׳
ועשית בדים למזבח בדי עצי שטים וצפית אתם נחשת׃
ז׳
והובא את בדיו בטבעת והיו הבדים על שתי צלעת המזבח בשאת אתו׃
ח׳
נבוב לחת תעשה אתו כאשר הראה אתך בהר כן יעשו׃
Settings