TRV
שְׁמֹות כ״ג:א׳-ט׳
א׳
¶ לא תשא שמע שוא אל תשת ידך עם רשע להית עד חמס׃
ב׳
לא תהיה אחרי רבים לרעת ולא תענה על רב לנטת אחרי רבים להטת׃
ג׳
ודל לא תהדר בריבו׃
ד׳
כי תפגע שור איבך או חמרו תעה השב תשיבנו לו׃
ה׳
כי תראה חמור שנאך רבץ תחת משאו וחדלת מעזב לו עזב תעזב עמו׃
ו׳
לא תטה משפט אבינך בריבו׃
ז׳
מדבר שקר תרחק ונקי וצדיק אל תהרג כי לא אצדיק רשע׃
ח׳
ושחד לא תקח כי השחד יעור פקחים ויסלף דברי צדיקים׃
ט׳
וגר לא תלחץ ואתם ידעתם את נפש הגר כי גרים הייתם בארץ מצרים׃
Settings