שְׁמֹות כ״א:ל׳-ל״ו
ל׳
אם כפר יושת עליו ונתן פדין נפשו ככל אשר יושת עליו׃
ל״א
או בן יגח או בת יגח כמשפט הזה יעשה לו׃
ל״ב
אם עבד יגח השור או אמה כסף שלשים שקלים יתן לאדניו והשור יסקל׃
ל״ג
וכי יפתח איש בור או כי יכרה איש בר ולא יכסנו ונפל שמה שור או חמור׃
ל״ד
בעל הבור ישלם כסף ישיב לבעליו והמת יהיה לו׃
ל״ה
וכי יגף שור איש את שור רעהו ומת ומכרו את השור החי וחצו את כספו וגם את המת יחצון׃
ל״ו
או נודע כי שור נגח הוא מתמול שלשם ולא ישמרנו בעליו שלם ישלם שור תחת השור והמת יהיה לו׃
Settings