TRV
שְׁמֹות ט״ז:י״א-י״ח
י״א
וידבר יהוה אל משה לאמר׃
י״ב
שמעתי את תלונת בני ישראל דבר אלהם לאמר בין הערבים תאכלו בשר ובבקר תשבעו לחם וידעתם כי אני יהוה אלהיכם׃
י״ג
ויהי בערב ותעל השלו ותכס את המחנה ובבקר היתה שכבת הטל סביב למחנה׃
י״ד
ותעל שכבת הטל והנה על פני המדבר דק מחספס דק ככפר על הארץ׃
ט״ו
ויראו בני ישראל ויאמרו איש אל אחיו מן הוא כי לא ידעו מה הוא ויאמר משה אלהם הוא הלחם אשר נתן יהוה לכם לאכלה׃
ט״ז
זה הדבר אשר צוה יהוה לקטו ממנו איש לפי אכלו עמר לגלגלת מספר נפשתיכם איש לאשר באהלו תקחו׃
י״ז
ויעשו כן בני ישראל וילקטו המרבה והממעיט׃
י״ח
וימדו בעמר ולא העדיף המרבה והממעיט לא החסיר איש לפי אכלו לקטו׃
Settings