ציפייה לכיבוש

שְׁמֹות ט״ו:י״ג-י״ט

י״ג

נחית בחסדך עם זו גאלת נהלת בעזך אל נוה קדשך׃

י״ד

שמעו עמים ירגזון חיל אחז ישבי פלשת׃

ט״ו

אז נבהלו אלופי אדום אילי מואב יאחזמו רעד נמגו כל ישבי כנען׃

ט״ז

תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃

י״ז

תבאמו ותטעמו בהר נחלתך מכון לשבתך פעלת יהוה מקדש אדני כוננו ידיך׃

י״ח

יהוה ימלך לעלם ועד׃

י״ט

כי בא סוס פרעה ברכבו ובפרשיו בים וישב יהוה עלהם את מי הים ובני ישראל הלכו ביבשה בתוך הים׃