שְׁמֹות י״ב:א׳-ו׳

א׳

¶ ויאמר יהוה אל משה ואל אהרן בארץ מצרים לאמר׃

ב׳

החדש הזה לכם ראש חדשים ראשון הוא לכם לחדשי השנה׃

ג׳

דברו אל כל עדת ישראל לאמר בעשר לחדש הזה ויקחו להם איש שה לבית אבת שה לבית׃

ד׳

ואם ימעט הבית מהית משה ולקח הוא ושכנו הקרב אל ביתו במכסת נפשת איש לפי אכלו תכסו על השה׃

ה׳

שה תמים זכר בן שנה יהיה לכם מן הכבשים ומן העזים תקחו׃

ו׳

והיה לכם למשמרת עד ארבעה עשר יום לחדש הזה ושחטו אתו כל קהל עדת ישראל בין הערבים׃