יראה וחכמה בעבודת האלוהים

קֹהֶלֶת ה׳:א׳-ז׳

א׳

¶ שמר רגליך כאשר תלך אל בית האלהים וקרוב לשמע מתת הכסילים זבח כי אינם יודעים לעשות רע׃

ב׳

אל תבהל על פיך ולבך אל ימהר להוציא דבר לפני האלהים כי האלהים בשמים ואתה על הארץ על כן יהיו דבריך מעטים׃

ג׳

כי בא החלום ברב ענין וקול כסיל ברב דברים׃

ד׳

כאשר תדר נדר לאלהים אל תאחר לשלמו כי אין חפץ בכסילים את אשר תדר שלם׃

ה׳

טוב אשר לא תדר משתדור ולא תשלם׃

ו׳

אל תתן את פיך לחטיא את בשרך ואל תאמר לפני המלאך כי שגגה היא למה יקצף האלהים על קולך וחבל את מעשה ידיך׃

ז׳

כי ברב חלמות והבלים ודברים הרבה כי את האלהים ירא׃