דְּבָרִים ו׳:י״ח
מציג את פסוק י״ח עם ההקשר הסובב.
ט״ו
כי אל קנא יהוה אלהיך בקרבך פן יחרה אף יהוה אלהיך בך והשמידך מעל פני האדמה׃
ט״ז
לא תנסו את יהוה אלהיכם כאשר נסיתם במסה׃
י״ז
שמור תשמרון את מצות יהוה אלהיכם ועדתיו וחקיו אשר צוך׃
י״ח
ועשית הישר והטוב בעיני יהוה למען ייטב לך ובאת וירשת את הארץ הטבה אשר נשבע יהוה לאבתיך׃
י״ט
להדף את כל איביך מפניך כאשר דבר יהוה׃
כ׳
כי ישאלך בנך מחר לאמר מה העדת והחקים והמשפטים אשר צוה יהוה אלהינו אתכם׃
כ״א
ואמרת לבנך עבדים היינו לפרעה במצרים ויוציאנו יהוה ממצרים ביד חזקה׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל