TRV
דְּבָרִים א׳:כ״ו-ל״ו
כ״ו
ולא אביתם לעלת ותמרו את פי יהוה אלהיכם׃
כ״ז
ותרגנו באהליכם ותאמרו בשנאת יהוה אתנו הוציאנו מארץ מצרים לתת אתנו ביד האמרי להשמידנו׃
כ״ח
אנה אנחנו עלים אחינו המסו את לבבנו לאמר עם גדול ורם ממנו ערים גדלת ובצורת בשמים וגם בני ענקים ראינו שם׃
כ״ט
ואמר אלכם לא תערצון ולא תיראון מהם׃
ל׳
יהוה אלהיכם ההלך לפניכם הוא ילחם לכם ככל אשר עשה אתכם במצרים לעיניכם׃
ל״א
ובמדבר אשר ראית אשר נשאך יהוה אלהיך כאשר ישא איש את בנו בכל הדרך אשר הלכתם עד באכם עד המקום הזה׃
ל״ב
ובדבר הזה אינכם מאמינם ביהוה אלהיכם׃
ל״ג
ההלך לפניכם בדרך לתור לכם מקום לחנתכם באש לילה לראתכם בדרך אשר תלכו בה ובענן יומם׃
ל״ד
וישמע יהוה את קול דבריכם ויקצף וישבע לאמר׃
ל״ה
אם יראה איש באנשים האלה הדור הרע הזה את הארץ הטובה אשר נשבעתי לתת לאבתיכם׃
ל״ו
זולתי כלב בן יפנה הוא יראנה ולו אתן את הארץ אשר דרך בה ולבניו יען אשר מלא אחרי יהוה׃
Settings