עָמוֹס א׳:ט׳

מציג את פסוק ט׳ עם ההקשר הסובב.

ו׳

כה אמר יהוה על שלשה פשעי עזה ועל ארבעה לא אשיבנו על הגלותם גלות שלמה להסגיר לאדום׃

ז׳

ושלחתי אש בחומת עזה ואכלה ארמנתיה׃

ח׳

והכרתי יושב מאשדוד ותומך שבט מאשקלון והשיבותי ידי על עקרון ואבדו שארית פלשתים אמר אדני יהוה׃

ט׳

כה אמר יהוה על שלשה פשעי צר ועל ארבעה לא אשיבנו על הסגירם גלות שלמה לאדום ולא זכרו ברית אחים׃

י׳

ושלחתי אש בחומת צר ואכלה ארמנותיה׃

י״א

כה אמר יהוה על שלשה פשעי אדום ועל ארבעה לא אשיבנו על רדפו בחרב אחיו ושחת רחמיו ויטרף לעד אפו ועברתו שמרה נצח׃

י״ב

ושלחתי אש בתימן ואכלה ארמנות בצרה׃