המאמינים מתפללים לאומץ

מַעֲשֵׂי הַשְּׁלִיחִים ד׳:כ״ג-ל״א

כ״ג

ואחרי הפטרם באו אל אחיהם ויספרו להם את אשר אמרו אליהם הכהנים הגדולים והזקנים׃

כ״ד

ויהי כאשר שמעו את זאת וישאו את קולם בלב אחד לאלהים ויאמרו אדני אתה האל העשה את השמים ואת הארץ ואת הים ואת כל אשר בם׃

כ״ה

אשר אמרת בפי עבדך דוד למה רגשו גוים ולאמים יהגו ריק׃

כ״ו

יתיצבו מלכי ארץ ורוזנים נוסדו יחד על יהוה ועל משיחו׃

כ״ז

כי אמנם נוסדו הורדוס ופנטיוס פילטוס עם הגוים ולאמי ישראל על ישוע עבדך הקדוש אשר משחת׃

כ״ח

לעשות את אשר ידך ועצתך מקדם גזרה להיות׃

כ״ט

ועתה אדני ראה את גערתם ותן לעבדיך לדבר את דברך בכל בטחון לבם׃

ל׳

בנטתך את ידך למרפא ולתת אתות ומופתים בשם ישוע עבדך הקדוש׃

ל״א

ויהי כאשר התפללו וינע המקום אשר היו נקהלים שם וימלאו כלם רוח הקדש וידברו את דבר האלהים בבטחון לבב׃