מַעֲשֵׂי הַשְּׁלִיחִים כ״ג:א׳-ה׳

א׳

¶ ויבט פולוס אל הסנהדרין ויאמר אנשים אחים בכל תמת לבבי התהלכתי לפני אלהים עד היום הזה׃

ב׳

ויצו חנניה הכהן הגדול את העמדים עליו להכותו על פיו׃

ג׳

ויאמר אליו פולוס יככה אלהים הקיר המסיד האמנם ישב אתה לדין אתי כתורה ואתה מצוה להכותי שלא כתורה׃

ד׳

ויאמרו העמדים שם את הכהן הגדול לאלהים תחרף׃

ה׳

ויאמר פולוס אחי לא ידעתי אשר הוא הכהן הגדול כי כתוב נשיא בעמך לא תאר׃