מַעֲשֵׂי הַשְּׁלִיחִים כ״ב:ט׳-י״ט
ט׳
והאנשים אשר אתי ראו את האור וייראו ואת קול המדבר אלי לא שמעו׃
י׳
ואמר מה אעשה אדני ויאמר אלי האדון קום לך אל דמשק ושם יאמר לך את כל אשר צוית לעשות׃
י״א
ואני לא יכלתי לראות מפני זהר האור ההוא והאנשים אשר אתי הוליכוני ביד ואבא לדמשק׃
י״ב
ואיש חסיד כפי התורה ושמו חנניה אשר קנה לו שם טוב בקרב כל היהודים הישבים שם׃
י״ג
ויבא אלי ויעמד ויאמר אלי שאול אחי שוב ראה ובשעה ההיא נפקחו עיני וראיתיהו׃
י״ד
ויאמר אלהי אבותינו בחר בך לדעת את רצונו ולראות את הצדיק ולשמע קול מפיהו׃
ט״ו
כי היו תהיה לו לעד אל כל בני האדם על כל אשר ראית ושמעת׃
ט״ז
ועתה למה תתמהמה קום והטבל והתרחץ מחטאתיך בקראך בשמו׃
י״ז
ויהי בשובי אל ירושלים ואתפלל במקדש ותהי עלי יד יהוה׃
י״ח
וארא אותו מדבר אלי חושה צא במהרה מירושלים כי לא יקבלו את עדותך עלי׃
י״ט
ואמר הלא הם יודעים את אשר השלכתי אל הכלא והלקיתי בבתי הכנסיות את המאמינים בך׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל