TRV
2 שְׁמוּאֵל י״ד:ג׳
מציג את פסוק ג׳ עם ההקשר הסובב.
א׳
¶ וידע יואב בן צריה כי לב המלך על אבשלום׃
ב׳
וישלח יואב תקועה ויקח משם אשה חכמה ויאמר אליה התאבלי נא ולבשי נא בגדי אבל ואל תסוכי שמן והיית כאשה זה ימים רבים מתאבלת על מת׃
ג׳
ובאת אל המלך ודברת אליו כדבר הזה וישם יואב את הדברים בפיה׃
ד׳
ותאמר האשה התקעית אל המלך ותפל על אפיה ארצה ותשתחו ותאמר הושעה המלך׃
ה׳
ויאמר לה המלך מה לך ותאמר אבל אשה אלמנה אני וימת אישי׃
ו׳
ולשפחתך שני בנים וינצו שניהם בשדה ואין מציל ביניהם ויכו האחד את האחד וימת אתו׃
Settings