TRV
1 מְלָכִים כ״ב:ל״ה-מ׳
ל״ה
ותעלה המלחמה ביום ההוא והמלך היה מעמד במרכבה נכח ארם וימת בערב ויצק דם המכה אל חיק הרכב׃
ל״ו
ויעבר הרנה במחנה כבא השמש לאמר איש אל עירו ואיש אל ארצו׃
ל״ז
וימת המלך ויבוא שמרון ויקברו את המלך בשמרון׃
ל״ח
וישטף את הרכב על ברכת שמרון וילקו הכלבים את דמו והזנות רחצו כדבר יהוה אשר דבר׃
ל״ט
ויתר דברי אחאב וכל אשר עשה ובית השן אשר בנה וכל הערים אשר בנה הלוא הם כתובים על ספר דברי הימים למלכי ישראל׃
מ׳
וישכב אחאב עם אבתיו וימלך אחזיהו בנו תחתיו׃
Settings