Musa ya tunasar da alkawarin Horeb

Maimaitawar Shari’a 5:1-5

Musa ya tattara dukan Isra’ila ya ce, Ku ji, ya Isra’ila, ƙa’idodi da dokokin da na furta a kunnuwanku a yau. Ku koye su, ku kuma tabbata kun bi su.

Ubangiji Allahnmu ya yi alkawari da mu a Horeb.

Ba da kakanninmu ba ne Ubangiji ya yi wannan alkawari, amma da mu ne, da dukanmu waɗanda muke da rai a yau.

Ubangiji ya yi magana fuska da fuska da ku daga wuta a kan dutse.

(A wannan lokaci na tsaya tsakanin Ubangiji da ku, don in furta muku maganar Ubangiji, domin kun ji tsoron wutar, ba ku kuwa hau dutsen ba.) Ya ce,