פסוקים על Zeal: Josiah

7 פסוקים · 21 היבטים

פסוקים על Josiah

  1. 2 מְלָכִים כ״ג:י״ט

    וגם את כל בתי הבמות אשר בערי שמרון אשר עשו מלכי ישראל להכעיס הסיר יאשיהו ויעש להם ככל המעשים אשר עשה בבית אל׃

  2. 2 מְלָכִים כ״ג:כ׳

    ויזבח את כל כהני הבמות אשר שם על המזבחות וישרף את עצמות אדם עליהם וישב ירושלם׃

  3. 2 מְלָכִים כ״ג:כ״א

    ויצו המלך את כל העם לאמר עשו פסח ליהוה אלהיכם ככתוב על ספר הברית הזה׃

  4. 2 מְלָכִים כ״ג:כ״ב

    כי לא נעשה כפסח הזה מימי השפטים אשר שפטו את ישראל וכל ימי מלכי ישראל ומלכי יהודה׃

  5. 2 מְלָכִים כ״ג:כ״ג

    כי אם בשמנה עשרה שנה למלך יאשיהו נעשה הפסח הזה ליהוה בירושלם׃

  6. 2 מְלָכִים כ״ג:כ״ד

    וגם את האבות ואת הידענים ואת התרפים ואת הגללים ואת כל השקצים אשר נראו בארץ יהודה ובירושלם בער יאשיהו למען הקים את דברי התורה הכתבים על הספר אשר מצא חלקיהו הכהן בית יהוה׃

  7. 2 מְלָכִים כ״ג:כ״ה

    וכמהו לא היה לפניו מלך אשר שב אל יהוה בכל לבבו ובכל נפשו ובכל מאדו ככל תורת משה ואחריו לא קם כמהו׃